sru:version: 1.2; sru:query: fcs.rf="mecmua.1_68"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_68"; sru:baseUrl: ; fcs:returnedRecords: 1; fcs:duration: PT0.029S PT0.033S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_68</phrase></query>)];

157 Ṭālib‑i ḥaqqa bular heb dāmdur
Dūzaḫa nisbet bular enʿāmdur

158 Fĭ l‑ḥaqīqa bu‑durur aṣl‑i kelām
ʿĀşıq‑i ḥaqq olana ġayrī ḥarām

159 Ẕevq‑i dīdār olmayıcaq ʿāşıqa
Nār[‑]i [!] cennetden ne olur fārıqa

is̱bāt ān ḥadīs̱ ki vuhamā yaʿnī dunyā va ʿuqbā ḥarāmān // ʿalā ahlu llāh u tamsīl īn maʿnā dar ṣūrat‑i maǧāzī

160 Bir mecāzī ʿışqla şūrīde ḥāl
Kūy‑i yāra varsa vü umsa viṣāl

161 Bir kişi anı żiyāfet eylese
Niʿmet ü iḥsānlarıyla ṭuyulsa

162 Görmese ṣoḥbetde ʿāşıq rūy‑i yār
Ol żiyāfet olmaz olur ḫār‑ḫār

163 Ḥālet‑i ʿışq‑i mecāzīdür bu ḥāl
ʿĀrif‑iseñ saña yėter bu mis̱āl

Ruǧūʿ ba‑ḥikāyat‑i šāh u kanīz // va rasīdan‑i bīmār ba‑ṭabīb‑i ahl‑i tamyīz

164 Ol ṭabīb‑i ʿālem‑i ġaybīye şāh
Vāṣıl olub gitdi reyb ü iştibāh

165 İki deryā āşinālıq qıldılar
Qaruşub bir birine bir oldılar

166 Ḫıżra ėrdi gūyiyā anda Kelīm
Gitdi cehl ü reyb ü ḥırṣ u ḫavf u bīm

167 Dėdi maqṣūdum aṣıl sen ẕātmış
Bu eṭibbā cāriye ālātmış

168 Muṣṭafāsın baña ben saña ʿÖmer
Ḫidmetüñ‑çün cāna bend ėtdüm kemer

169 Her suʾālüñ ḥallidür vechüñ senüñ
Müşkili gider cemālüñ görenüñ

170 Merḥabā yā mürteżā yā müctebā
Ḫıżr‑i vaqt ü maẓhar‑i sırr‑i ḫudā

171 Çünki ol meclisden aldılar murād
Eyledi derd‑i kenīzekden küşād

172 Çünki gördi nabżla qārūresin
Añladı anuñ göñülde yarasın

173 Dėdi‑kim her ne ki qılmışlar ʿilāc
Eylemişler cümle taġyīr‑i mizāc